تعرف على الفرق بين سمك البوري والطوبار

نصائح مفيدة للمطبخ

1- لو نخلتى الدقيق اكتر من مرة الكيكة هتطلع هشة

٢- لما تيجى تعملى معجنات وتضيفى للدقيق كيس بيكنج بودر مع الخميرة العجينة هتبقى احلى وهتعلى اكتر

٣- وانتى بتعملى معجنات حطى معلقة خل على الدقيق هيخلى العجينة هشة معاكى

٤- لما تعملى كيكة برتقال ومفيش برتقال حطى معلقة عصير تانج برتقان مع كوب لبن وهيبقى عندك عصير برتقال

٥- لو عندك اكلة محتاجة كريمة وملقتيش دوبى معلقتين زبدة مع لبن كامل الدسم واستخدميهم وهيبقى عندك كريمة طبيعى

٦- لو عايزة اكلك خفيف شوحى البصلة على النار من غير زيت او سمنة بس وطى النار والبصلة هتنزل ميتها وتستوى فيها وبهريها على النار وانزلى بالطماطم وكلى احلى تسبيكة من غير دهون

٧- لو بتعملى كنافة بالقشطة وملقتيش قشطة اوعى تتخضى بصى ياستى هاتى ٣ كوبايات مياه ودوبى فيهم كوبايتين لبن بودرة وشوية سكر وحطيها على النار ولما يغلى حطى نقطة ماء ورد وماء زهر وقلبى لحد القوام مايمسك وبعدين استخدميها وممكن تحشى بيها القطايف بتبقى تحفة

٨- عملتى بيتزا على الغدا وولادك عايزين كاتشب هاتى كوباية صلصة طماطم ونص كوباية سكر ومعلقتين خل. وحطى على النار ومش هيعرفوا الفرق

٩- لما يتبقى منك رز بايت اوعى ترمية عصجى لحمة مفرومة واعملى شوية بشامل وشوحى حبة خضار بسلة وجزر وبطاطس بفصين ثوم لحد ما يستوى ورصى صينيتك قلبى الرز مع الخضار وحطى تحت طبقة بشامل وطبقة رز وطبقة لحمة وطبقة رز تانى وبعدين البشامل وكلى احلى صينية رز بالخضروات من الرز البايت

١٠- لو عايزة عجينة البيتزا تبقى مختلفة نكهيها بالاعشاب حطى زعتر وروزمارى وممكن بصل بودر وتوم بودر بيغير طعم العجينة

١١- لما العجينة تخمر اوعى تعجنيها تانى عشان العجينة متفقدش التخمير بتاعها

١٢- لو جيتى تعملى كيكة ومفيش فانيليا حطى معلقة خل وبشر ليمون او برتقال